CONGRESU:

8u CONGRESU DE LLINGÜÍSTICA XENERAL
Universidá Autónoma de Madrid
25-28 de xunu del 2008

La sede de congreso será la Escuela Politécnica Superior. Para ver localización de la misma, pinche aquí: http://www.eps.uam.es/esp/vias_acceso.php

El valir de la diversidá [meta]llingüística

Exes temátiques del congresu:

LA DIVERSIDÁ LLINGÜÍSTICA (DL)
Nesta estaya va falase de la diversidá llingüística dende varies perspeutives que puen ameyorar la comprensión del so calter y desendolcu. Estes perspeutives sirven pa crear trés subestayes:

ASPEUTOS ANTROPOLÓXICOS Y SOCIALES (DLAS)
Nesta subestaya va dase prioridá a los siguientes puntos:

  1. Aspeutos llingüísticos de la comunicación ente cultures y de les implicaciones sociales d’éstes en distintos ámbitos comunicativos.

  2. Estudiu de la interrellación ente l’orde social y los fenómenos de variación y coesistencia de llingües.

  3. Estudiu de la situación sociollingüística de distintos países del mundu, col envís d’amosar diversos modelos de xestión de la diversidá.

  4. Rellación ente les ideoloxíes llingüístiques, los modelos de política llingüística y los modelos y procedimientos de planificación.

ASPEUTOS COGNITIVOS Y EVOLUTIVOS (DLCE)
Nesta subestaya va dase prioridá a los siguientes puntos:

  1. Estudiu de los aspeutos cognitivos de la diversidá llingüística. Universales de la cognición llingüística y la diversidá de llingües.

  2. Orixe y espoxigue de la capacidá llingüística humana.

  3. Adquisición de dos o más llingües polos neños. Aspeutos cognitivos del deprendimientu de segundes llingües na edá adulta.

  4. Trestornos del llinguax dende’l puntu de vista interllingüísticu.

ASPEUTOS TIPOLÓXICOS Y HISTÓRICOS (DLTH)
Nesta subestaya va dase prioridá a los siguientes puntos:

  1. Tipoloxía llingüística en tolos niveles (fonoloxía, morfoloxía, sintaxis, semántica y léxicu).

  2. Llingüística histórica y comparativa: aportaciones al conocimientu de les rellaciones xenétiques ente llingües y families llingüístiques.

  3. Aspeutos llingüísticos del contautu de llingües. Llingües amestaes.

  4. Orixe de la diversidá llingüística próxima y remota.

LA DIVERSIDÁ METALLINGÜÍSTICA (DM)
Nesta estaya va estudiase la diversidá metallingüística, ye dicir, los diferentes formalismos que tienen desendolcao los llingüistes pa describir la gramática y la estructura xeneral de les llingües, asina como les rellaciones ente éstes y el so entornu.

LOS METALLINGUAXES DE LA GRAMÁTICA (DMGR)
Nesta subestaya va dase prioridá a les comunicaciones que faigan comparanza de diversos formalismos d’análisis gramatical (fonolóxicos, morfolóxicos, sintáuticos, semánticos, léxicos), con especial atención a les sos llendes, ventayes o complementariedá.

MODELOS DE DESCRIPCIÓN LLINGÜÍSTICA (DMDL)
Nesta subestaya va dase prioridá a les conferencies que faigan comparanza ente modelos teóricos que seyan a representar la estructura xeneral de les llingües y les interaiciones d’éstes ente sí y col so entornu, col envís de determinar les sos llendes, ventayes y complementariedá.

LOS METALLINGUAXES COMPUTACIONALES (DMCP)
Nesta subestaya va dase prioridá a les comunicaciones que faigan comparanza ente los modelos y los llinguaxes propuestos pal procesamientu computacional de les llingües humanes, col envís de determinar los sos inconvenientes, llendes y ventayes.